fbpx

ابراج اليوم الاثنين 14/12/2020

0 54

نورالاردن :

توقعات برج الحمل اليوم الاثنين 14


الحمل ♈
مهنياً:العشرية الأولى شغل وامور بوظيفتك وعلاقات والثانية والثالثة علاقات ومساعدة وتنقلات واجواء افضل .. طاقة ايجابية وفترة بتكتر فيها الاتصالات وفي منافسة والتواصل ولقاءات بقصد شغل او لقاءات عائلة واجواء حلوة بيومك فرصة كمان لتتعرف ع ناس جديدة وسفرة وعقارات ويوم بيحملك عرض حلو او مساعدة اذا بحاجة ولازم تلحق شغلك .. الحظ بحالفك وامور مالية بتشغلك هالفترة وحدا من اهلك وغالي عندك .
عاطفياً:وضعك افضل والحظ بساعدك لتتجاوز بعض المشاكل .. يومك بكون حلو وفي اوقات مميزة عم تقضيا بتكون العين عليك وساحر بتملك قلب الشريك وبتحاول تتفادى المشاكل وسوء تفاهم .. عم تفكر بلقاء او اتصال بشخص والاعزب امورك افضل لتلاقي اعجاب بهاليوم بعض المتزوجين الوضع مو مريحك أنتبه لخطواتك القادمة ولا تتسرع .
صحياً:عم ينتابع قلق بظهور بعض الاعراض صداع ارتخاء المفاصل وكريب ..
توقعات برج الثور اليوم الاثنين


الثور ♉
مهنياً:العشرية الاولى تنقلات واجواء وامور ادارية والثانية والثالثة معاملات ودفع وقبض .. عندك تعب بتبلش تطلع منو تدريجي وبتتحسن الامور المهنية وبلاخص المالية .. شغل جديد وعرض وركز ع المال بيجيك مال اليوم وممكن في دفع كمان وفي حركة اوراق ومعاملات وامور قضائية وقانونية عم تتأجل وحلول لمشاكل عندك لمهم تستغل الفرص هاليومين .. في نقاشات ومصالحات واتصالات بيومك بخص المال.
عاطفياً:في احساس بالوحدة والعزلة والحب متعبك بدل مايريحك وماحدا بيستاهلك .. حاول تكون بعيد عن القرارات المهمة بأمورك العاطفية ولا تحسم شي مو ناقصك مشاكل ونقاشات بلا طعمة يوم وبيمرق والامور رح تتحسن ورح تحس بلاعجاب والحب لاكن خلي في حدود بينك وبين اي شخص .
صحياً:بدي منك تنتبه ع اكل اليوم او تاخد دوا بدون استشارة اخصائي أحذر فقد تتعرض لمشاكل بالمعدة او تسمم ..
توقعات برج الجوزاء اليوم الاثنين

الجوزاء ♊
مهنياً:العشرية الاولى مال بيومك والثانية والثالثة شراكات وحكي وناطر شي .. في انفعال وعصبية وناس عم تعبك .. حاول تكون ذكي وتتعامل صح وبلا مشاكل مع حدا او تدخل بمواجهات في قصة بشغلك وبيتك ويمكن بعض شراكات عم تعبك وعم تخليك قلق .. كلو ممكن يمر بسهولة اذا عرفت تتعامل منيح وتكون هادي ..ممكن اتفاق عمل او شراكة ونقاش مع شخص مهم ..
عاطفياً:المرتبط خفف من عصبيتك ومزاجيتك لانك مو متحمل كلمة حتى افكارك عم تكون سلبية وفي شكوك عم تكبر وكلو بأثر على شراكتك العاطفية كون دبلوماسي وتقرب اكتر ولاقي الاسباب له تغيرات بوضعك .. هدي حالك وروق وكلو بيتصلح والبعض بيدخل شراكة عاطفية جديدة وارتباط .
صحياً:عم تعاني مشاكل نفسية وقلق .. والبعض مشاكل جنسية وشي بخص السكر ..

توقعات برج السرطان اليوم الاثنين


السرطان ♋
مهنياً:العشرية الأولى علاقات وعاطفة ومال والثانية والثالثة مسؤوليات وشغل وأمور صحية .. مسؤوليات وضغوط ببيتك وشغلك عم تزيد وماعم تلاقي مين يقدر عم تتحمل فوق طاقتك وقصة عم تشغلك ضمن شغلك ووضع عندك بالبيت هاشي عم يخليك محتار حاول تنظم امورك وتسبق الوقت وخلص المطلوب منك .. البعض عندو شغل جديد وحلول ضمن شغلوا هالفترة ..
عاطفياً:يمكن في حكي كتير ونقاشات وعم تاخد طابع الحدة ويمكن ماعم توصل لنتيجة افصل بين حبك وشغلك والامور العائلية .. أبتعد عن تملك وسيطرة وكون قريب من شريك وقضي وقت معو فكر بجدية اكتر وتبادل الامور المشتركة بحوار هادئ بعيد عن الاستفزاز والعناد هاشي كتير رح يساعدك لتلاقي حلول لوضعك ..
صحياً:بيتحسن وضعك الصحي والبعض تجنب الناس الي عم تكون مكربة لانك معرض لعدوى كريب..
توقعات برج الاسد اليوم الاثنين


الأسد ♌
مهنياً:العشرية الاولى شغل وعم تفكر بسفر ومسؤوليات والثانية والثالثة حب ومال بيومك .. في ضبابية ببعض الامور وبلاخص الشغل والوظيفة .. الحظ داعم الك وبخفف عنك ضغوط وبيعطك طاقة لتبادر وتبلش بأي شي جديد ..في خبر حلو الك وممكن مفاجئة خليك متفائل يومك حلو في مال ممكن يجيك وبتطلع بتغير جو بمشوار او سفرة قصيرة وعزيمة وقصة انجاب بتشغل البعض ..
عاطفياً:عاطفة وحب عندك وارتباط عند البعض .. جذاب والعين عليك مصالحات ومفاجئة الك لقاء واتصالات ممتعة ورومنسية بتزيد حتى فرصة لترجع تتواصل مع شريك قديم او صدفة بتجمعك بشخص أخر .. بعض المتزوجين خفف نقد لتصرفات الشريك لان هاشي بوتر الوضع سهرة حلوة حاول تستغل الجو لصالحك والبعض احسم امورك ..
صحياً: مشاكل هضمية وعم تحس بتفخة بالمعدة خفف تناول طعام بوقت متأخر او بسرعة
توقعات برج العذراء اليوم الاثنين

العذراء ♍
مهنياً:العشرية الاولى قصص بين مال وعاطفة والثانية والثالثة امور عائلية .. يوم للعائلة والمنزل بدك تروق وتعرف تتعامل مع الكل رغم انك مدايق وأخلاقك ديقة عندك شغل كتير وقصص مابتعرف من وين بتطلعلك حاول تلاقي حلول ولا تكبر القصص بلاخص ببيتك او مع حدا من اهلك او ضمن شغلك .. قصة عقار شراء او بيع وتصليح وتجهيز .. اتصالات ولقاءات عائلية وضع حدا من اهلك بيشغلك ومن المسا انت افضل ..
عاطفياً:استغل الفرص المتاحة لتحسم امورك وتحسب حساب لكلشي وتوصل لأتفاق وتسوية هاشي كلو بحاجة لصبر وعقلانية عم تعاني بعض تصرفات الي ماعم تعجبك روق هاليوم وحاول تلاقي حلول.. بحاجة للحسم اذا في ارتباط واعطي رأيك ..
صحياً:عم تعاني صداع وقلق و عصبية نام وريح حالك ..
❤غنيتك❤اليوم:ياطير يامسافر…حاتم العراقي
 

توقعات برج الميزان اليوم الاثنين

الميزان ♎
مهنياً:العشرية الاولى قصص عائلية وتعب نفسي والثانية والثالثة مسؤوليات وحركة افضل .. حلول لمشاكل ضمن بيتك وبشغلك وبلامور العقارية .. طاقة واجواء اجتماعية وعزائم واتصالات مهمة وفي حركة للاوراق بيومك .. تنقلات او سفر قصير ومشوار بتنال اعجاب المسؤولين والمقربين وبتساعد كمان .. فكر منيح بيومك لتحل مشاكل كبيرة ولتطلع من جوك المتعب ..
عاطفياً:بتتحسن امورك والقادم افضل .. في ارتباط وحب رح يبلش يكبر حاول كتير تتريث ولا تتسرع بأتخاذ قرارك .. المرتبط فكر منيح بوضعك لانك مشوش مابدي نفسيتك تأثر على علاقتك بلاخص طبع المزاجية حاول لا طنش الوضع ولا تروح بتفكيرك لمكان بعيد امورك بحاجة لتتقرب وتحسن علاقتك مع الشريك.. عندك مواعيد واتصالات حلوة وطويلة ..
صحياً:لا تعب حالك مشان ماتعب عضلة القلب وبلاخص بعد عن ناس الي بتتفخ القلب كمان .

 

توقعات برج العقرب اليوم الاثنين


العقرب ♏
مهنياً:العشرية الاولى تنقلات وممكن قصة سفر واتصال والثانية والثالثة في مال بيومك .. في قصص فيا تأجيل وتأخير بس ماليا في عروض ومساعدات اذا بدك والمال سبب لمشاكل عندك او عدم توفر الحلول الكافة وممكن تشتري شي او تغير شي ..مقيد وطاقتك ضعيفة وبتحل قصة ومساعدة اذا بدك وقصة حدا بالعيلة بتشغلك .. بيشغلك مال بهاليوم يمكن قصة دين او سلفة او اذا بدك قرض ضب ايدك على مصاريفك ..
عاطفياً:كون حريص على اسرارك وانتبه لوضعك.. يوم بيحملك نقاشات ومواضيع جديدة بتسمع اخبار او ممكن تتحسن امور الاتصالات لمهم مابدي منك تنفعل من اي شي او تعصب بلا سبب بلاخص المرتبطين ولا تجاكر شريكك كون قنوع ولا تفتح مواضيع مو وقتها هلق ولا بتقدم ولا بتأخر .. نقاشات كتيرة مع الجنس الاخر علاقات جديدة او شخص قديم عبر صدفة .
صحياً:مشاكل صدرية حاول تخفف تدخين بشكل عام صحياً امورك افضل..

 

توقعات برج القوس اليوم الاثنين


القوس ♐
مهنياً:العشرية الاولى مال والثاني والثالثة حظ وطاقة ونشاط وحضور المميز ..بتكون مندفع وعندك نظرة للامور بتكسب الكل وبتقنع برأيك وبتلاقي حلول لمشاكل شغليتك لترتاح منا كتير مهم انك تستغل المواقف والفرص لتثبت جدارتك وتكسب ثقة المسؤولين .. كمان بتحصل على مبلغ مالي وعزيمة واذا مفكر بمشوار او سفر لمكان قريب الحظ بساعدك وبتعمل تغييرات شخصية واهتمامات شكلية وعلاقات وممكن تعزم ..
عاطفياً:جذاب وحليان بتشوف حدا غالي والماضي ع البالي .. الوضع افضل بهاليوم وفي هدوء .. اتصال او ممكن لقاء مفاجئ وتواصل عم يرجع او حب قديم حتى الاعزب عندك الجاذبية لتكسب قلب شخص ويصير ارتباط او علاقة عبر مواقع تواصل او بشغلك عم تتطور ..
صحياً:بتعاني صداع وشوية تعب بتتحسن امورك المسا ..

 

توقعات برج الجدي اليوم الاثنين


الجدي ♑
مهنياً:العشرية الاولى تغيرات وأمورك افضل والثانية والثالثة علاقات وشغل ولقاءات مهمة وخلص شغلك ولا تتأخر .. فايق بكير وعندك التزامات وشغل بدك تخلصو .. مابدي ياك تفقد الامل وتفكر كتير واترك كلشي لوقتو عم يزيد صرفك المالي وبتحس بالجمود رغم بيجيك مال بس بتحس بروح بدون ماتحس في والبعض في تأجيل بخص قصة ما او مالية .. اتفاق وتنقلات او سفر قصير وعزيمة واجواء حلوة حاول تستغل هاشي وريح حالك المسا ..
عاطفياً:المرتبط مانك مرتاح ولاهتمام بلا نفس حاول تهتم بشريك وتكون حدو وساعدو اذا بحاجة لمساعدة وتعمل تقارب وانسجام لتلاقي حل للوضع بدي منك تركز ولا تتسرع بقراراتك او تكون عنيد شوية هدوء والامور بخير تدريجي .. الأعزب بحاجة لشخص يفهمك وتفهمو ويريحك نفسياً ويعطيك الاهتمام وبلاخص انك عنيد وصعب الميراس .. البعض بيتواصل مع شريك قديم واتصالات طويلة .
صحياً:مشاكل العضلات لا تعب حالك ونام منيح ولا تأخد اي دوا بدون ماتاكل ..

 

توقعات برج الدلو اليوم الاثنين


الدلو ♒
مهنياً:العشرية الاولى علاقات مهمة وناس كتيرة وقصة حكومية ومال والثانية والثالثة الامور افضل وتنقلات وعاطفة ..تحسن بيومك علاقات واصدقاء وناس غاليين عليك في عزائم وحلول مبدئية لبعض الامور تطورات على صعيد العائلي وشغل برغم في عراقيل بس بتتجاوزها يومك بحاجة للمال وترتيب لبيتك المالي بعرف كتير الامور المالية متعبتك وممكن بدك تطلب مال بقصد شغل او تمويل او بيع وشراء او حقوق .. فرصة لتلتقي بشخص غريب او عزيز عليك بس نتبه من كلامك المتسرع .
عاطفياً:تطور واتفاق واحداث حلوة .. جاذبيتك موجودة وساحر بحضورك وعم تأثر على الشريك وفي تجاوب نسبي بينك وبينو ونقاشات ودبلوماسية .. البعض عندو لقاء أواتصال طويل وعاطفي .. حاول تبتعد عن الازدواجية والحسم بما يخص مشاكلك مع الشريك او تتسرع بعلاقات اخرى .
صحياً:مشاكل هضمية او سبب تنوع بلاطعمة او شي طبخة ماعم تقدر تقاوما ..

 

اترك رد

لن يتم نشر عنوان بريدك الإلكتروني.